Durangoko Liburu aurkezpena
Hau idatzi digu Ainara Maia-Urrozek
Durangoko aurkezpenaren irudi eta bideoren bat igortzen dizkizuet...lehenik, zer den HATSAREN POESIA azaldu nuen eta nire HATSAko lehen olerkia irakurri (2001eko ENE MAITEARI), eta gero gainerako zazpi HATSAkidek irakurri zuten:- Marisa Arruabarrena- Eneko Apaolaza- Amaia Arantzeta- Asel Luzarraga- Matxalen Bezos- Ibon Zubiela. Zortzigarren HATSAkidea Carmen Valois zen eta argazkilari lana hartu zuen.Gurekin ere Joseba Aurkenerena zegoen entzule gisa...Eta bukaeran denok GURE HATSA kantua abestu genuen... eta datorren urterako liburuan parte hartzeko deia ere egin nuen...Hona hemen olerki eskaeraren gutuna :
Olerkari maitea:
Datorren urteko 24. "Hatsaren Poesia" olerki-bilduma liburua elkarrekin sortzea proposatzen dugu beste behin ere, Durangoko Azoka gainean dugun honetan; bide batez erran, heldu den abenduaren 8an arratsaldeko 18:00etan aurtengo liburuaren aurkezpena eginen dugula Durangoko azokaren Ahotseneako Musika-eskolaren gunean. Gonbidaturik zaudete!Beti bezala, itxaropen handi batekin pentsatzen dugu olerkari aunitzen oihartzuna ukaitea datorren urteko HATSAREN POESIA liburuan, eta posta elektroniko honekin batera, oroitu nahi dugu datorren urteko sar-hitza aspaldi hatsakide dugun Joseba Aurkenerenari egokitu zitzaiola zoriz, eta datorrenurteko liburuaren azalerako edozein proposamen jasotzeko prest gaudela. Zuei denoi ere parte hartzeko gonbidapena zabaldu nahi dizuet, eta honako hau galdegiten dautzuegu:
1. Olerki bat bederen igorri, edo bizpahiru gehienez ere bidal diezagukezu, etahorrekin batera biografia labur bat, gehienez ere lauzpabortz lerro. Horrez gain, berria bazara Euskal poeten bilgune honetan, labur-labu idatzi biografiaren azpian zer den zuretzat poesia.
2. Zure aurpegiaren argazki bat ere nahi genuke.Azken epea bidaltzeko 2022ko Urtarrilaren 15a izanen duzue, eta bi modu duzue horretarako:1. helbide elektroniko honen bidez: hatsarenpoesia@gmail.com2. posta arruntez: Eliza kalea 10, 5. ezker, 20302 Irun, Gipuzkoa, Euskal Herria.Baldintzarik gabe eta zentsurarik gabe olerki guziak apirilaren lehen igandez, ohitura den bezala, 2022ko apirilaren 3an, 'Hatsaren Poesia' egunean publikatuak izanen dira, eta egun hori behin-behinekoz gordeko dugu liburuaren aurkezpena egiteko.Zure inguruan diren olerkari idazleei mezu hau ZABALDU, otoi! Denontzat tokia izango da liburuaren barnean!
URTEXAHARRA ONTSA BUKA ETA HOBEKI HASI URTEBERRIA!
Hatsa elkartea
Oxtikenia Butrun karrika
64310 Senpere,
Lapurdi, Euskal HerriaBideoa hemen
HATSAren POESIAren tailerra Urnietan Iñaki Bastarrikarekin
Azaroko poesia tailerra Urnietan (Gipuzkoa) egitea proposatzen dugu.Urnietako herrigunean hain zuzen. Ibilbide hori egiteko gidalerroa hau izango da: Xabier Lete eta Lourdes Iriondoren lana. Gogorarazi behar dugu Urnietan bizi izan zirela urte askoan, eta lur ere bertan eman zitzaiela. Ibilbideak ordu bete inguru iraunen du, gutxi gorabehera.Etorri nahi dutenek, nahi badute, ekar dezakete hiru aditzekin egindako olerkitxo bat eginda. Aditzak hauek dira: galdetu, etorri, aurkitu. Hiru aditz horiekin eratu baitzuen Xabier Letek bere lehen olerkia.Abestiren bat eman nahi duenak ere, bere tartea izanen du.Ibilaldiaren ostean, nola ez, taberna batean zerbait (beroa) hartuko dugu, azaroaren amaieran eskuarki ez baitu uda beteko berorik egiten.Elkarretaratzea Urnietako tren geltokian (renfe) egin dezakegu. Azaroaren 27an, larunbatarekin, 15 ordutan.Sarri artio, hatsakideok!
Izenak igorri helbide honetara:olerkibilduma@sfr.fr
Tailerraren Kronika
Arantza, Ainara, Maria Angeles, Carmen, Auxtin, Marisa, Inaki
Etorri,
galdetu, aurkitu
Urnietako
olerki tailerrera etorri,
eta,
ez dugu ezer galdetu,
baina,
asko baino askoz gehiago ezustekoak aurkitu:
bihotzeko
eguraldi eguzkitsu bat trumoietan,
Lurdes
eta Xabierren presentzia ixila kale guzietan,
beren
irriak eta gureak nahasturik hilerrietan,
Lurdesen
ahizparen harrera goxoa gure begien aurrean,
epeltasuna
eta xokoletesnea Iñakiren ohantzean,
Ainara,
Auxtin, Arantza,
Carmen,
Iñaki, Marisa lagunen oihartzun beroak,
kazkabarren
haraindian.
Bai,
asko dugu aurkitu!
zer
gehiago galdetu?
Gure
zorionarentzat, beharrik , Iñaki,
zure
ikustera garela Urnietara etorri!
Auxtin
Eta
bai, beharrik joan nintzela zuen artera Urnietara kanpoko elur, euri
eta kazkabarrak lagundurik ene barneko negar-uholdea. Beharrik joan
nintzela iragan azaroaren azken larunbatean Irundik Urnietara ene
ama, anaia, koinata eta ilobekin anaiaren urtebetetze-bazkarian goxo
egon ondoren. Beharrik joan nintzela lagunarte poetiko hartara
barneko tristura barre bilakatzeko. Ene bihotza beharbada ez da
guztiz sendatuko, Uruguaitik itzuli nintzenetik maiteminez, zazpi
urte pasa direlakotz et
a oraindik haren mira dut.
Eta
bai, beharrik Urnietara joan nintzela azaroaren 27ko arratsaldez, eta
Lurdes eta Xabier poeta-kantarien maitasunezko jardina miresteko,
Lurdesen ahizpa Maria Angelesen abegi onez gozatzeko eta ahazteko
malurrak.
Irun
hiria poesia lehiaketan saridun ez izatea ni etsitu ninduen, eta
pentsatu nik idatzitako poesia ez zela baleko besteendako; eta ez
nuen gogo handirik Hatsaren Urnietako poesia-tailerrera joateko. Egia
da, ez dut lehiaketen sarean ito behar, baina egia da, bestalde,
literatur sariketetan irabazle izandakoan, aitortza publiko horrekin
bazarela nor euskal literaturan. Bien bitartean, paperak eta liburuak
hamaika aterako ditugu, baina aitortza publikorik gabe nekez izango
gara nor euskal literaturan, eta bazterreko poetak izaten segituko
dugu. Xabier Lete Irunen ere omendua izan zen, eta hura bai izan zela
saritua! Hura bai poeta...
Eta
bai, beharrik zuen artera bildu nintzen Urnietan, eta poesia idatziz,
irakurriz eta marraztuz batera, barre egin genuen txokolate beroa
edan genuen.
Eskerrik
asko, Iñaki!
Ainara 2021/11/27
eta, ez dugu ezer galdetu,
baina, asko baino askoz gehiago ezustekoak aurkitu:
bihotzeko eguraldi eguzkitsu bat trumoietan,
Lurdes eta Xabierren presentzia ixila kale guzietan,
beren irriak eta gureak nahasturik hilerrietan,
Lurdesen ahizparen harrera goxoa gure begien aurrean,
epeltasuna eta xokoletesnea Iñakiren ohantzean,
Ainara, Auxtin, Arantza,
Carmen, Iñaki, Marisa lagunen oihartzun beroak,
kazkabarren haraindian.
Bai, asko dugu aurkitu!
zer gehiago galdetu?
Gure zorionarentzat, beharrik , Iñaki,
zure ikustera garela Urnietara etorri!
a oraindik haren mira dut.
Su hatsa"ren Erakusketa
Irissarin
HATSAren POESIAren tailerra Iruñean:
Iruña 2021 Urria 30ean,
Gaur goizean txango ederrean
anai-arreben artean desio bat:
urretxindorra ikustea.
Abiatu gara ba Takonera lorategietara
ostoz tapatutako lurra zapalduz.
Eta Garayerri gorazarre eginez
"Nafar uskaldunari" ekin diogu gogotsu
musikarik gabe,
ur soinua lagun,
Julianen begirapean
amalurrarekin bat eginez
Carmen Valois
Gaia :
"Julian Gayarreren sorbalda gainean pausaturiko urretxindorra"
Goizean: 10:30ean Gaztelu Plazako kioskoan bilduko gara.
Goizean: 11:00etan kafea Iruña Kafetegian
Goizean: Takonera parkera ibilaldia, Julian Gayarreren iturriraino
Eguerdian: Bazkaria Geltoki Tabernan, 25 euro, 14:30ean.
Arratsaldean: Poesia tailerra, Geltoki-n bertan (autobusen geltoki zaharrean). Lekua erreserbatuta 18:00ak arte.
GEHIENEZ 10-12 lagun, geletan jende gehiagorentzat lekurik ez baitago.
Larunbata izanik Iruñeko leku guztietan asteburuko menua dute eta badakit jende asko diruz gaizki dabilela, baina uste dut beste lekuetan edo prezio bera eskatuko digutela edo gehiago. Baten batek arazoak izango balitu hori ordaintzeko, ikusiko genuke nola egin denon artean laguntza emateko. Goizeko kafearena, nire kontu.
Biltzeko ordua, 10:30ean, Kioskon, edo 11:00etan kafetegian jarri dut, jendeari denbora emateko Iruñera iristeko.
Juankar Mugartza
****************************
HATSAren POESIAren tailerra Urnietan
Egutegia aurretik egituratzeko, tailer bat kudeatu nahi duenak, izena eman biezat eskatzen dut .
Aluminio urtua, zegunda batez gogortzen da, hartuz nun ixuria izan den hutsdura edo tokiaren forma . Suertearen laguntzarekin egin ditut itxura hauk, susmatuz, sua suertearen familiakoa dela, (jatorriz euskaraz izen bera dute),ulertuz ere instintoki, suak bere erdian etengabeki sortzen duen, magmatiko muduetatik :unibertsoa, lurra, airea, ura.. ots ezin ulergarria den bizia datorrela. Erakusketa honetan nahi izan ditut ere itxureri lotu, suerteak fantasmagorrizko munduen erdian sortu dituen Hatsa elkarteko aurtengo 114 idazleen sentipen amets idatziak. Eskerrak sakonetik beraieri . Orai zueri da erakusketa honeri sorkuntza berri baten ematea, zueri, itxurek eta idatziek sentiarazten liezazukenarena, aurkitzea.
Hatsa elkartea sortu zelarik pentsatu ginuen parte hartzale guzieri gorosti landare baten eskaintzea . Landare horiek ze bilakatu dira ???. Dakitana da Enaut Etxamendi eta nere etxean asko haunditu eta edertu direla eta horrek asko zoriontzen gaituela.
Geroztik Larraldean ere duela bi urte Hatsa elkartearen iraupenaren zinbolo bezala , landatuak izan ziren gorosti eta mizpira ondo bat , biak desagertuak dira, bat ebatsia bestea ihartua.
Baina geroztik ezin sinetsia den gertakizun bat jalgi zaigu, hau da, mizpira eta gorostia landareen ordez, leku berean, sahatsa zuhaitzxka bat sortu zaigula !.Bai …bai..: .sa ''hatsa'' bat , haur bat bezala...dena ,''hatsa''z betea.
"Hatsa"ren eguna
Garai honetan, zahar izatetik berriz haur izaterako bidean naizelako, usu, suarekin harremanetan sartzea maite dut. Batzuetan, bere sufre irakituaren ausikiekin min egiten dit, eta beste batzuetan, bere mihise lama troxatzaileekin, goxaduraz, erdi lo-kuluxkan ezartzen.(Auxtin Zamora)
Iragan agorrilaren 10ean, HATSAren bigarren egun bat ospatu genuen, gure lagun olerkariak behin eta berriz aurkitzeak hatsegin handi bat ematen baitigu, eta eskerrona bertaratu ziren guztiei. Etortzea ezinezkoa zutenengan ere pentsatu dugu, eta bihoakie horra egunaren kronikatxoa.
Hatsaren Poesia liburuaren urteroko aurkezpena eginik, oraingoan uda usainez askoren oporraldian, agorrilaren 10ean arratsaldeko bostetan Auxtin Zamorak Larraldean hilabete osoan zehar erakusgai egonen dena aurkeztu digu: liburuko 110 poeton esaldi banarekin SU-HATSA izeneko erakusketa poetiko-eskulturala osatu du aluminioz.
2021. urteko ''Hatsa''kideen arnasez eta sua-suertearenganik ukan opariz beteta, opariak egiten dizkigu Auxtinek, aire-banbada eta egur xixtapur batzu eskainiz. Zartaketa batekin jauzikatzen zaio artistari eta, bere haserrea entzutean, ezin du burutik kendu, bere lehen sormena 'big bang' famatu hura izan zela. Urruntzen zaio, eta, bere jabaltzeko, espazioan noizbait sortutako elurrezko lur xuri bat zeruko ur urdin zerbait ematen dio jatera eta edatera. Sumindura gorriz, guziak, bere erraietan, txegozten ditu, bai eta ere, azkenean, goitikatzen, mila itxuretan, aitzinetik asma ez zitzakeen suertezko magma indefinitu bat jaurtikiz.
Hori ikustean, aldi oroz, uste du Auxtinek suak suerteari su ematen diola, eta, duen aitzineko errealitatea desagertzen zaiola, beste mundu berri-berri baten erdian, bere burua aurkitzeko.
Sua sentitzeak burutazioak dakarzkio muinetara, eta, uste du, gure hatsa, suari berari konpara zezakela, zeren, beroturik gure baitan dugun su enigmatikoarekin, hitzekin nahasturik, gure errealitatea etengabe erretzen duelako, bai eta ere, inkontzienteki, suertearen laguntzarekin, mundu berri bat, oraino gure aitzinean eta gure baitan sortzen.
Hori da funtsean agorrila osoan zehar Larraldean erakusgai egonen den SU-HATSA erakusketaren muina, munduko sua eta poeton hatsa, airea alegia. Horrek oroitarazten baitigu munduko haizeak ekartzen digula benetan behar duguna, eta ez desio duguna. Duela 23 urte Auxtinek desio zuena egikaritu zuen liburu gisa, eta HATSAREN POESIAren lehen alearekin batera, partehartzaile bakoitzari gorosti bat oparitu zion... ez dakigu 23 urteren buruan 35 gorosti haien suerteaz, baina bat bederen Auxtinek berak du eder bere Senpereko etxean, eta duela guti jakin dugu Eñaut Etxamendik ere HATSAren gorosti eder bat duela oraino bere etxe aitzinean.
Duela bi urte Senpereko Larraldean, hatsaren poesia egunean apirilez gorosti bat eta mizpira bat landatu genuen, baina horiek ihartu eta galdu dira maleruski. Hala ere, horiek landatu genituen tokian sahats bat atera da suertez ez dakit nondik etorria, lurrak edo haizeak ekarria nonbait, eta horrek erakusten digu naturak bere bidea egiten duela gugan ere, behar duguna eskaintzen digu eta ez nahi edo desio duguna. Hatsaren poesiaren ikur bilakatu da gure SAHATSA, haizeak edo lurrak ekarritakoari ongietorri egiten diogu, hark gurekin egon nahi duelako eta ez mizpirak edo gorostiak. HATSAk bere barnean baitu SUA eta lurreko SAGUA, isilean gure alde lanean ari den laguna.
Auxtin Zamoraren erakusketaren aurkezpenaren ondoren, Leire Zabala Telleriak egindako GURE HATSA kantua pantailan proiektatu eta abestu genuen. Eta horren ondotik, lagun musikariek eskaini kantaldi ederraz gozatu ere bai: Amaiurko artzain eta kantari den Pantxoa Etxebere “Pottoka”k pare bat kanturekin hasi zuen kantaldia, eta ondoren bere lagun bizkaitar Teresa Urkiola otxandiotarrak beste bi kantu goxo abestu zizkigun. Horrekin aski ez eta Amaiurko lagun kantariaren abeslari katalanek, Arturo eta Lali Rodriguezek, beste bi kantu abestu zituzten, eta ondoren, Josu Zabala musikari bizkaitar ezagunak Pottokarekin Nafarroaren eguneko abestiaz animatu zuen jendea, gitarraz eta eskusoinu txikiaz.
Bukatzeko kantaldi ederra Pottokak “San Jose lorea” abestia kantatu zuen, eta ondoren, HATSAkide den Ainara Maiak aurtengo liburuko ere olerkia errezitatu zuen, musikari katalanek lagundurik: “Amatxiren sua”.
GURE HATSA kantua abestuz bukatu genuen erakusketa-hasieraren ekitaldia, era ondoren elkarrekin egoteko eta hitz egiteko aukera izan genuen, jan-edan batzuez lagundurik, arratseko bederatziak arte!
Hatsaren Poesia Egunaren kronika
Gure
ahotsean idatzita
den
pentsamendua,
zeru
denetatik datorren
haize
epel hori,
arimaz
betea,
gure
hatsa da...
(Leire
Zabala-Telleria)
Ekainaren 13an, Hatsaren poesiaren egunean, kasik urte luze baten buruan, gure lagun olerkarien berriz aurkitzeak hatsegin haundi-haundi bat eman digu. Pantaila hertsien birtualitatearen bestaldean jakin dugu zinezko pertsonak, oso-osorik haragiz-hezurrez-bihozkadaz beterik, oraino existitzen direla!!!! Milesker zueri:
Franck Achard, Unai Agirre, Eneko Apaolaza, Marisa Arruabarrena-Elizalde, Matxalen Bezos, Nicole Etxart, Maialen Etxegoin, Luzien Etxezaharreta, Idoia Genua, Mabel Gomez-Quisberth, Itziar Gomez-Sarasola, Andoni Iturrioz, Marie Christine Iturrioz, Josu Jimenez-Maia, Peio Jorajuria, Antton Kazabon, Estibalitz Legarreta, Ainara Maia-Urroz, Arantza Martinez-Etxarri, Mixel Mendiboure, Sabin Oregi- Zarautz, Geva Sanchez, Marikita Tambourin, Eric Traonmilin, KarmeleUrbieta- Canales, Leire Zabala-Telleria eta Josu bere laguna, Josemari Zendoia, Angéle Zamora, Auxtin Zamora, Beronika Zamora.
Pandemia bai, edo pandemia ez, Covidak ez du olerkariei, noski, sobera minik egin, alderantziz, iduri du libertate naturalaren bideak hobeki agertarazi dizkigutela, ohartuz, 113 idazleen izenak aurkitzen direla, aurten publikatu dugun 23garren liburuan, eta horietan 16 olerkari berri.
Etortzea ezinezkoa zutenei pentsatu dugu, jakinez arras ongi, gurekin izatea gustokoa izanen zitzaiotela, eta, ezpirituz, beraiekin, gure urteko eguna, amets batean bezala, iragan dugu.
Goizetik, kemenarekin, eguzkiak erakutsi zigun, berak ere, bestan parte hartu nahi zuela, behartu gintuen Larraldeko eltzaur ondoen azpian liburuaren aurkezpena egitea. Ainara Maia Urrozek, lan hori, artoski eta maisuki ereman zuen, eta, Mabel Garcia Quisberth Kolonbiako etorkin euskaldun berriak, berak, idatzitako sar-hitz hunkigarri bat irakurtu zigun. Gero, suerteari galdetu zen datorren urtean nork idatziko zuen olerki bilduma berriaren sarrera. Erantzuna jarraian eman zigun: Joseba Aurkenerena izanen zela. Animo, beraz Joseba!
Gero, Antton Kazabon, Marisa Arruabarrena Elizalde eta Sabin Oregi-Zarautzek eskaini liburu batzu zozketatuak izan ziren, bai eta "Hatsaren Poesia" ren sail osoa, 23 liburuekin, ere. Hau, Unai Agirrek irabazi zuen.
Arratsaldean Larraldeko lorioan norberak ekarri janari-edariekin, aperitifa eta bazkaria itzelak izan ziren, bereziki pastel mota ugariren banaketa batekin.
Eta, gero, 16:00etan egin zen olerki irakurketa bat begiak bustitzerainoko hunkidura giro batean, eta hori, zuei esker: Eneko Apaolaza, Marisa Arruabarrena Elizalde, Matxalen Bezos, Nicole Etxart, Maialen Etxegoin, Luzien Etxezaharreta, Idoia Genua, Josu Jimenez Maia, Antton Kazabon zure kantu xuabearekin, Ainara Maia Urroz, Arantza Martinez Etxarri, Sabin Oregi-Zarautz, Eric Traonmilin, Leire Zabala- Telleria, Auxtin Zamora, Josemari Zendoia.
Azkenean, irakurraldia bururatu zen guzien entzumena eta bihotza sakoneraino hunkitu diguten Leire Zabala-Telleriaren 3 abestiekin. (Testuetan, bat, Eric Traonmilin Bretainiako euskaldun berriak idatzia). Zuzenean ikusi ginuen Leire, hain maite duen Josuri bere amodioa amultsuki kantatzen, bai eta ere 'Gure hatsa'ri himno poetiko bat eskaintzen ere. Publikoak hainbertze maitatu zuen abesti sortu berri hori, nun eta nahi izan zuen, jarraian eta bertan, hau, Leirerekin ikasi. Erran zen ere datorren urtean, Hatsaren Poesia egunean abesti hori denen artean kantatuko ginuela
Egun osoan,ere, Larraldeko gaineko gela haundian "Su hatsa" erakusketa ikusi ahal izan zen. Honek, arrakasta nabarmen bat ukan zuen eta pentsatzen da beste Euskal herriko toki batean oraino honen ikusteko parada bat ukanen dela.
Denentzat,
Auxtin Zamora
Bideoa : Leire Zabala-Telleria-rekin .(Hitzak : 23 garren HATSAren POESIA
Olerki bilduma 2021, 183 orrialdean)
Liburuaren aurkezpena hemen: https://www.youtube.com/watch?v=nC-UrCo_tzY
Sabin, Josemari, Josu, Leire,Franck, Estibalitz,Eric
Josu, Karmele, Antton, Eric, Maialen.
Liburuan Parte hartu dutenak:
|
Lehen aldiz ezagutu nuelarik, Berriozarren , 2008 urteko "Hatsaren Poesia" ren liburuaren aurkezpenean, erran zidan ez zela menturatzen olerkien idaztera eta publikatzera, baina ohartu nintzen zoin azkarki poesigintza maite zuen, eta, sorpresa haundi bat izan zen 2009 urtean bere bi olerki gure gutun ontzian ukaitea. Hauek bistan da poz haundi batekin Hatsaren olerki bilduman ezarri ginituela . Geroztik, urtero ez gintuen ahantzten , baina,gaixotasunak iaz, bere azken olerkiaren igortzera behartu zuen . Damugarri zauku bere testorik ez gehiago irakurtzea, zeren urtetik urtera, ulertzen baiginuen bere poetiko sentsibilitatea gero eta gehiago sakontzen ari zitzaiola. Jokinek beharbada sentitua zuen bere ezin besteko orena hurbiltzen ari zitzaiola, zeren bidali digun azken olerkia hau izan zen:
Izarretako ametsa
Zohardi tipila zen
oinazturaren argiak
goiti eraman zuelarik.
Ezustean abiatu zen
tximista bezain laster,
Lurra gero eta ttipiagoa utzirik.
Bidaia azkarrean
izarretara bideratu zen
mundu anitz bazterturik.
Izarrik distirantenera heltzean
itzultzea deliberatu zuen
bidaia luzeagatik arduraturik.
Berehala jin zen eta,
ohatzean etzanik egonagatik,
goiti eta beheiti jauzika,
erori bailitzan itzarri zen.
Bidaia eta ametsa
oharkabean bukatu zituen,
bihotz-taupada azkarrak
ohe saltokariarenekin pausatuz.
Agur , Jokin, ikusi arte ! zure azken bihotz-taupada izarretara bideratu duzu,
baina segur gira zure ametsak gureenekin jauzika betiko jarraituko dutela.
Auxtin
Jokin Irigoien Berriozarko laguna hil zaigu gaur
Gaixotasun luze baten ondorioz hil dela erratea hitz gastatuak erabiltzea bada ere, zilegi bekit baliatzea AEK-ko beterano eta burkideari uhinen bidezko azken agur labur hau hasteko.
Herrigintzako eragile nekaezin bat joan zaigu, eguneroko lanaren bitartez herrian hazi ederrak landatuta, euskaratik eta euskaraz.
Goibel dago Iruñerria, goibel Ezkaba mendia, goibel Euskalerria irratia. Lurrak goxo har beza bere baitan. Agur eta ohore.
Olerkari maitea:
Datorren urteko 23. "Hatsaren Poesia" olerki-bilduma liburua elkarrekin sortzea proposatu genuen beste behin ere, urtexahar horren azkenetan, eta orain urteberriaren hasieran berriro ere oroitaraztera gatozkizue, ikusirik oraino betiko batzuek ez duzuela deus ere bidali, eta animatu nahi zaituztegu. .
Posta elektroniko honekin batera zenbait kontu. Alde batetik, oroitu nahi dugu bereziki aurten joan zaigun HATSAKIDE bat, Miquel Saumell olerkari eta musikari katalana alegia, min bizi batek eraman duena gure artetik baina haren oroiminez edo oroitzeko gogoz norbaitek ere bere omenez olerkiren bat egin nahi badu, hor badu idazteko aukera "hatseginez".
Eta bestetik, esan datorren urteko SAR-HITZA hatsakide dugun Mabel Garcia olerkariari egokitu zitzaiola zorionez, Irunen bizi den Cochabambako euskaldun berria, eta liburuaren azalerako AURTENGOAN Iñaki Bastarrikaren irudi bat ezarri dugu, datorren urterako Xabier Soubelet, eta hurrengoan Elene Tamayo, ez baitugu inor kanpoan utzi nahi.
Beraz, oraindik deus ere bidali ez duzuenoi ere parte hartzeko gonbidapena zabaldu nahi dizuet, eta honako hau galdegiten dautzuegu:
1. Olerki bat bederen igorri, edo bizpahiru gehienez ere bidal diezagukezu, eta horrekin batera biografia labur bat, gehienez ere lauzpabortz lerro. Horrez gain, berria bazara Euskal poeten bilgune honetan, labur-labur idatzi biografiaren azpian zer den zuretzat poesia.
2. Zure aurpegiaren argazki bat ere nahi genuke.
Azken epea bidaltzeko 2021eko Urtarrilaren 26a izanen duzue, eta helbide elektroniko honetarako igor, otoi: hatsarenpoesia@gmail.com
Baldintzarik gabe eta zentsurarik gabe olerki guziak apirilaren lehen igandez, ohitura den bezala, 2021eko apirilaren 4an, 'Hatsaren Poesia' egunean publikatuak izanen dira, eta egun hori behin-behinekoz gordeko dugu liburuaren aurkezpena egiteko.
Zure inguruan diren olerkari idazleei mezu hau ZABALDU, otoi! Denontzat tokia izango da liburuaren barnean!
Hatsa elkartea
Oxtikenia
64310 Senpere,
Lapurdi, Euskal Herria
Gure urteroko blogeak